Есірткіні тұтынуға қарсы іс-қимыл бойынша оқу орындарының студенттеріне арналған дәріс

Облыс прокуратурасы «Заң мен тәртіп» қағидаты аясында оқу орындарының студенттеріне есірткі тұтынудың алдын алу бойынша шолу дәрісін ұйымдастырды.

Студенттерге бейнероликтер көрсетіліп, есірткі заттарын тұтынуға, таратуға және жарнамалауға тартудың нақты мысалдары келтірілді.

Заңсыз айналымда жүрген есірткі заттарының ең өзекті түрлері туралы ақпарат жеткізілді.

Облыс прокуратурасы есірткі заттарының заңсыз айналымы 15 жылға дейін бас бостандығынан айыру түріндегі жауапкершілікті көздейтінін ескертеді.